Web del Grupo Municipal del Partido Popular del Ayuntamiento de Lugo


O Grupo Municipal Popular propón que Lugo teña unha rúa ou praza en recoñecemento ás vítimas do terrorismo
28/06/2008	Grupo Municipal

José Manuel Barreiro: "O goberno máis próximo debe dar exemplo e demostrar unha sensibilidade especial coas vítimas desta lacra social"

O Grupo Municipal Popular presentou esta mañá unha moción de urxencia para debater no pleno do luns coa idea que "se recoñéza publicamente ás vítimas de todo tipo de terrorismo".
José Manuel Barreiro considera necesario "que exista un recoñecemento da administración máis próxima á cidade, como é o Concello, ás vítimas de ETA, GRAPO, TERRA LLIURE, 11M e a Yihad radical islámica. A sociedade ten que manifestarse rotundamente a favor das vítimas e en contra dos terroristas", puntualizou.

No pleno do luns unicamente se fixara o acordo para dedicar o nome dunha rúa, Avenida ou Praza da cidade en sinal de respecto ao sacrificio persoal e en admiración do municipio aos valores de liberdade e democracia polos que foron asasinados. Será na comisión do rueiro onde se achegarán os nomes das vítimas.