O Grupo Municipal Popular acusa ao equipo de Goberno de favorecer, presuntamente, á empresa concesionaria da publicidade nos autobuses urbanos, que ten actualmente unha débeda pendente co Concello que supera os 100.000 euros (case 23 millóns de pesetas) en concepto de cesión de espazos publicitarios nos autobuses urbanos.

Para Rozas é inexplicable que "despois de que se haber se requirido o pago desta cantidade, que a día de hoxe non se abonou, o equipo de Goberno socialista non haxa o expediente de rescisión do contrato", unha actitude que achaca "á suposta proximidade ideolóxica do propietario desta empresa co PSOE".

Os populares lamentan a dobre vara de medir do goberno de Orozco, xa que "mentres ao resto dos contribuíntes esíxellenos estar ao día nos pagos de impostos municipais, e se non o facemos grávallenos cunha recarga, a esta empresa déixaselle facer o que lle vén en gana, sen consecuencia algunha".

Condicións contrato adxudicataria.-

A empresa de publicidade á cal o Concello encargou a xestión dos anuncios para colocar nas traseiras, interior e exterior dos 20 autobuses urbanos ten o deber de ingresar 68.800 euros anuais en concepto de publicidade. (47.000 pola publicidade exterior, 14.000 pola exterior e 650 euros mensuais pola traseira).

Para os dous primeiros conceptos os pagos deberían ser trimestrais, mentres que pola publicidade da traseira o abono ha de ser mensual.

A adxudicación deste servizo fíxose o 30 de setembro de 2005, e a adxudicataria empezou a traballar en xaneiro de 2006.