Web del Grupo Municipal del Partido Popular del Ayuntamiento de Lugo


O Grupo Municipal Popular pide un paso seguro para os veciños de Conturiz que cruzan a Nacional VI
21/05/2008	Zona Rural

Os populares presentarán un rogo para que o goberno local se dirixa a Fomento e solucione este problema. Manuel López pide ao Concello que salde a débeda que ten coa parroquia, que leva dous anos esperando cobrar unha axuda de 3.000 euros.

O Grupo Municipal Popular realizou hoxe unha visita á parroquia de Conturiz, enmarcada no plan de visitas aos barrios e parroquias do municipio de Lugo. Tras reunirse coa Asociación de Vecinos, os populares recolleron as demandas expostas por estes, e presentaranos no próximo Pleno para a súa solución por parte do Equipo de Goberno. Solicitarase ao Goberno Local que se dirixa ao Ministerio de Fomento para buscar unha solución definitiva que facilite o paso de forma segura aos veciños de Conturiz que cruzan a Nacional VIN. Os veciños reclaman que se coloque unha pasarela peonil á altura do cruzamento de catro ventos.

Manuel López explicou que esta foi unha das demandas que lles presentou a Asociación de Vecinos na visita realizada a Conturiz. Na visita participaron ademais do Presidente Provincial, José Manuel Barreiro, os concelleiros Manuel López, Sofía López, Cristina Ares e Enrique Rozas.
Lentitude obras N-VIN.- O Grupo Municipal Popular tamén denuncia a lentitude e a mala sinalización da obra de ampliación da Nacional VIN, no tramo Nadela-Miño. Manuel López explicou que habitualmente "só hai unha máquina traballando neste tramo, polo que é imposible que se axilice a obra" e engadiu que "teremos que esperar ás próximas eleccións para ver avances neste acceso, tan importante para Lugo". Os veciños tamén alertan do perigo que hai á hora incorporarse a este viario, xa que non existe sinalización luminosa. Pistas.- Os populares mostran a súa satisfacción pola rápida reacción do responsable de rural "xa que, curiosamente, fixo coincidir a visita do PP á parroquia co inicio do bacheo dalgunhas pistas". Manuel López espera que esta actuación non quede nun de face á galería "propia da política que practica o señor Liñares de traballar a salto de fochanca". Desde o Grupo Popular advirten que nesta parroquia tamén hai pistas que presentan un lamentable estado talles como o camiño de Vilar, a pista de Conturiz a Paredes e Bosende, a pista da lama... Axuda igrexa.- Para rematar, Manuel López critica que o Concello siga sen saldar unha conta que ten pendente cos veciños xa que "había un compromiso, que Liñares fixo público fai un ano coincidindo coas festas da parroquia, relativo a abonar unha subvención de 3.000 euros (500.000 das antigas pesetas) que se destinaron para a rehabilitación da igrexa de Conturiz". O Grupo Municipal Popular non entende a morosidade do Concello nunha cantidade tan pequena e que leva un atraso de, como mínimo, dous anos para pagar.