| |
|
|
| |
No balance do primeiro ano de mandato o Grupo Municipal Popular pide ao Goberno Local máis loita por Lugo e critica a lentitude e a "política de fume" de Orozco |
15/05/2008 |
|
| |
-
Nunca un alcalde en minoría tivo tantas facilidades para traballar. Se non fixo nada é a súa exclusiva responsabilidade.
-
Joaquín García Díez: "Non serei eu quen lle quite o estado de felicidade a Orozco, pero fai falta máis vontade e ganas de liderar os problemas reais da cidade".
-
José Manuel Barreiro: "Se Orozco non cumpre non lle imos a dar máis balóns de osíxeno".
-
O PP promoveu o 75% das iniciativas que se debateron en pleno ao longo deste ano.
|
| |
No balance do primeiro aniversario deste mandato o Grupo Popular criticou a lentitude e incapacidade do equipo de goberno para pór en marcha infraestruturas e proxectos vitais para o desenvolvemento da cidade. Ademais, presentouse un informe da actividade realizada no Concello, que podes descargar desta web pulsando aquí (polo de agora só dispoñible en castelán) .
Marcando o ritmo de traballo.-
O Grupo Municipal Popular marca o ritmo de traballo do Concello obrigando "a porse as pilas ao alcalde". Un dos indicadores de actividade que destaca do informe que hoxe se presentou nun almorzo informativo, é a comparativa de iniciativas presentadas ao longo deste último ano polos distintos grupos políticos. A conclusión é demoledora: o 75% das proposicións que se debaten nos plenos son de autoría do Partido Popular.
O equipo de goberno rexeitou a maioría das 52 proposicións que presentou o Grupo, ou aínda que se aprobasen no Pleno non as executaron.
Entre elas cabe destacar a negativa do Goberno a elixir democraticamente aos pedáneos, a redactar unha normativa de protección da Muralla, á procura de solucións para evitar a creación de guetos nas vivendas sociais de Lugo, ou a dar participación á cidadanía a través das reunións co movemento veciñal acordadas para a aprobación do Orzamento do 2008...
|
Este traballo en positivo do grupo popular contrasta coa actitude de Orozco e o seu equipo que "oponse de plano a respectar os acordos adoptados nos Plenos". "Unha cousa é que non teña obrigación por lei e outra é o seu compromiso moral". |
|
Accións inmediatas.-
Os populares adiantaron algunhas das accións inmediatas que promoverán nos próximos meses.
- Potenciar visitas de barrio. O Grupo Popular presentará sistemática e mensualmente nos plenos ordinarios un rogo no que se especifiquen as denuncias e queixas que os concelleiros recollen "in situ" nas visitas que realizan nos barrios da cidade. O dossier completo das visitas entregarase ao Alcalde para que teña coñecemento delas. A idea é solucionar enseguida problemas "de andar por casa" que teñen os veciños do barrio.
|
|
- Neste mes de maio tamén se porá en circulación o terceiro número do Boletín Lugo Popular, no que se recolle un balance da actividade realizada neste primeiro ano polos populares, e en que tamén se fará un repaso dos incumprimentos de Orozco e o seu equipo. |
- Xa a nivel interno, os nove concelleiros do Grupo Municipal do Partido Popular comprometéronse a render periodicamente contas ante os afiliados e colaboradores do traballo que realizan no Concello. Trátase dun exercicio "que busca fomentar o debate interno" e que "será positivo para conseguir unha maior eficacia na acción política máis próxima".
Participación cidadá.-
Neste mandato, o Grupo Municipal Popular incluíu como condición para prestar o seu apoio aos Orzamentos que se contase co movemento veciñal para decidir as actuacións prioritarias a executar.
Con todo, o Alcalde intentou diluír este compromiso "cunhas cartas", faltando ao espírito e a letra do acordo.
Tamén é significativa a negativa do Alcalde á convocatoria de eleccións libres e democráticas para a elección de pedáneos, usando López Orozco o seu voto de calidade para rexeitar esta iniciativa.
|
| |
Orozco espera ás eleccións para facer que traballa.-
Neste ano, o Goberno Local demostrou que só fai que traballa en épocas electorais, e pensando exclusivamente nos votos e no rédito inmediato, e non nos problemas reais de Lugo.
Cada vez que chega unha campaña electoral Orozco vende fume e repite as mesmas promesas unha e outra vez. "É ben triste que logo de nove anos con Orozco sigamos falando dos mesmos proxectos: auditorio, nova ponte, PXOM, CETAL, AVE, chan industrial...", todos eles proxectos que un Alcalde triunfalista ve "en marcha ou executados" cando a realidade é ben diferente.
García Díez: "non serei eu quen lle quite o estado de felicidade a Orozco. Ese triunfalismo co que sae de todas as reunións empeza a tomarse de broma porque o feito é que fai falta máis vontade e ganas de liderar os problemas reais da cidade".
Orozco pasa por alto a inacción dos supostos "gobernos amigos", e supedita a súa función de Alcalde á obediencia cega ao PSOE. Debe esixir a Touriño e a Zapatero o mesmo que antes reclamaba "ameazando ata con inmolarse" aos gobernos do Partido Popular.
Nunca un Alcalde en minoría tivo tantas facilidades para traballar. Se non o fai é porque non quere. José Manuel Barreiro: "O Partido Popular móllase en apoio da cidade, pero pon as súas condicións. O apoio aos orzamentos non foi gratuíto, e desde logo non se trata dun cheque en branco. Se Orozco non cumpre non lle imos a dar máis balóns de osíxeno", advertiu o Presidente Provincial e concelleiro do Grupo Popular.
|
| |
|
