Web del Grupo Municipal del Partido Popular del Ayuntamiento de Lugo


O Grupo Municipal Popular critica o desinterese e a lentitude do Concello para solucionar a adxudicación das casetas e caldeiros do San Froilán
13/05/2008	Cultura e Turismo

Alicia Pena lamenta que se "deixe todo para última hora" e pide que "antes do verán se resolva este asunto e a designación do pregoeiro "

A edila popular foi moi critica "coa lentitude" coa que se actúa desde o equipo de goberno respecto da concesión de casetas e caldeiros do polbo. "Xa pasou un mes desde que a responsable de cultura, a petición do PP, reuniuse cos afectados. Concepción Burgo comprometeuse daquela a darlles unha solución dun xeito urxente, pero a día de hoxe seguen esperando". Na reunión que tivo lugar o pasado día 10 de abril o que se acordou é que a concesión das casetas fixésese por tres anos. Respecto dos caldeiros púxose sobre a mesa a posibilidade de que se puxasen por separado, ou pola contra entrarán no lote coas casetas. A decisión tomarase en base aos informes técnicos.
Pena está preocupada porque o ritmo de traballo deste equipo de goberno prexudica aos empresarios, "algo que pode repercutir no desenvolvemento do próximo San Froilán".	Pregón das festas de San Froilán 2007
A concelleira popular, Alicia Pena, reclamou que todos os asuntos relacionados coas festas, adxudicación de casetas, atraccións, iluminación, designación do pregoeiro... se deixen resoltos antes das vacacións de verán. Festas de todos .- O Grupo Popular "cominou a Orozco e o seu equipo a que axilicen o traballo para evitar a improvisación e ás présas habituais de última hora do PSOE na organización das festas". Alicia Pena pide que o programa prepárese coa suficiente anticipación, e que para redactalo téñase en conta a opinión dos grupos da oposición, xa que se trata "das festas de todos". Para rematar, Pena criticou a tardanza do goberno municipal en entregar as contas das festas do pasado San Froilán.