Web del Grupo Municipal del Partido Popular del Ayuntamiento de Lugo


O Grupo Municipal Popular denuncia falta de vixilancia das zonas verdes da periferia de Lugo
02/05/2008	Medio Ambiente

Teresa Taboada pide a mellora da iluminación nestas áreas. "Esta vez foron colectores, pero se alguén quere dar un paseo de noite pódese levar un desgusto".

A concelleira Teresa Taboada denunciou hoxe que as zonas de paseo da cidade están totalmente orfas de vixilancia, o que se fai máis patente pola noite. "Nestes momentos é cando algúns desaprensivos aproveitan para dar renda solta aos seus instintos vandálicos, e vemos que o Concello non fai gran cousa". As zonas verdes da periferia de cidade están indefensas ante estes ataques, xa que ao non existir iluminación suficiente, áreas como o paseo do Miño ou o do Intre son lugares idóneos para que se produzan estes feitos.
"Obviamente non pedimos que haxa unha patrulla policial todo o tempo no Parque do Intre ou o do Miño,pero é importante que estas zonas, que xa están bastante illadas, si teñan unha mínima presenza que garanta a seguridade dos usuarios e a conservación do mobiliario urbano"
	A concelleira apuntou a súa pouca sorpresa ante esta situación "Se ata a Muralla está chea de pintadas, é inxenuo esperar que calquera outra zona da cidade estea suficientemente protexida"