Web del Grupo Municipal del Partido Popular del Ayuntamiento de Lugo


O Grupo Municipal Popular pide que se cambie o sistema de limpeza dos pavillóns dos colexios
27/04/2008	Cultura

A limpeza tradicional é insuficiente xa que desde que se pecharon os pavillóns a súa ocupación creceu moito e co sistema actual os usuarios atópanse co pavimento mollado. Alicia Peña reclama que se use unha maquinaria específica que limpa e seca ao mesmo tempo.

O Grupo Municipal do Partido Popular solicita que o Concello estude a posibilidade de facer un contrato específico para limpeza dos pavillóns polideportivos dos centros educativos. Alicia Pena explica que desde que se cubriron as instalacións dos colexios, cada vez utilízanse máis: " Ao aumentar a ocupación destes recintos se ensucian moito máis. Os pavillóns están moi solicitados, sobre todo para práctica de deportes por parte de asociacións, clubs de fútbol sala e balonmán". A concelleira popular explicou que " antes, cando estaban abertos, simplemente varríanse e bastaba; agora como se acumula moito po réganse. A rega está provocando queixas porque o pavimento tarda moito en secar". Pena explicou que a limpeza faise unha vez por semana e en calquera día, polo tanto case sempre o chan está mollado no momento no que desexan usalo.
A edila popular propón que se contrate unha limpeza específica con maquinaria especial que limpa e seca ao mesmo tempo. Deste xeito evitaríanse os problemas actuais e poderíase facer unha limpeza rotatoria durante a semana, dependendo das necesidades dos centros educativos.