O Grupo Municipal do Partido Popular presentou hoxe unha solicitude para que o Concello facilite autocares a todos aqueles gandeiros do Municipio de Lugo, que desexen acudir o próximo día 30 de abril a Santiago de Compostela para manifestarse na defensa dos intereses do Sector Lácteo e Cárnico.

O portavoz do Grupo Municipal do Partido Popular, Joaquín García Díez, considera "grave a crise que están sufrindo os sectores lácteo e cárnico, con problemas que poden levar a unha difícil situación de moitas explotacións, debido ás importantes baixadas nos prezos que perciben os gandeiros e ás importantes subidas dos produtos básicos para o normal funcionamento das mesmas".