Web del Grupo Municipal del Partido Popular del Ayuntamiento de Lugo


A comisión do rueiro admite catro propostas do Grupo Municipal Popular para designar distintas rúas e prazas da cidade
24/04/2008	Cultura

O anterior Bispo de Lugo, Frei José Gómez, o arquitecto Nemesio Cobreros, o xornalista Daniel Hortas e o médico Ulises Romeu terán a súa rúa en Lugo. A única das suxestións do PP que quedou pendente de debate foi a do fundador de Radio Lugo, Ramón Beberide. Esta reunión desenvolveuse despois de que Alicia Pena denunciase que desde fai varios anos non se reunía esta mesa de traballo e que había máis dunha vintena de rúas sen nome.

Os representantes da comisión do rueiro que se desenvolveu esta mañá aprobaron algunhas das propostas que presentou o Grupo Popular para designar rúas da cidade e que a día de hoxe carecen de placa identificativa. 1. A praza que hai entre a rúa Mar Cantábrico e Santo Graal estará adicada ao que foi Bispo de Lugo, Frei José Gómez. 2. A rúa que separa o cárcere vello do seminario pasa a denominarse o Cantiño de Nemesio Cobreros. (foi precisamente el, o arquitecto que fixo os proxectos de ambos os edificios).
O Grupo Municipal Popular tamén recuperou propostas dos seus compañeiros de anteriores corporacións e que quedaran sobre a mesa.
1. Acórdase designar rúas en recordo do xornalista Daniel Hortas e do médico Ulises Romeu. Ambas as rúas estarán situadas cerca do novo hospital. 2. Outra proposta que quedou sobre a mesa para debater na próxima reunión é a de colocar unha placa en homenaxe a Ramón Beberide, fundador da emisora Radio Lugo no ano 1937. A concelleira do Grupo Popular, Alicia Peña, que participou nesta reunión, foi a encargada de defender este paquete de propostas. Hai que recordar que grazas á presión exercida polos populares, o Concello viuse obrigado a convocar esta mesa de traballo que levaba varios anos sen reunirse.