Web del Grupo Municipal del Partido Popular del Ayuntamiento de Lugo


O Grupo Municipal Popular propón a reestruturación do transporte urbano dentro do casco histórico
13/04/2008	Interior

Os populares piden que se desdobren sete liñas nun intercambiador que se podería situar na rolda da muralla. Para estes traxectos polo recinto amurallado propón o uso de microbuses eléctricos, cun tamaño reducido, silenciosos e non contaminantes.

O Grupo Municipal Propón propón a creación dun intercambiador, con varias lanzadeiras, na Rolda da Muralla, á altura de Obras Públicas. O obxectivo deste sistema é desdobrar as liñas a 1A (Acea de Olga-Piringalla); L3 (Fingoi-Ramil); L4 (A Tolda-Abella); L6 (Montiron-A Residencia); L7A (As Gándaras - Cemiterio; L8 (O Carqueixo- os caraveis) e a L9-A (Ou ceao-San Roque) para realizar o traxecto dentro do casco histórico con microbuses.
A idea é que só entren dentro de murallas estes vehículos de tamaño reducido, silenciosos e que non contaminan. Deste xeito os autobuses convencionais continuarían o itinerario pola rolda da muralla cara aos seus destinos, mellorando as frecuencias actuais.
	O intercambiador da rolda da muralla serviría de lanzadeira conectando estas sete liñas de autobús convencional cunha liña de microbuses que circularían unicamente polo recinto histórico. O custo sería nulo para os viaxeiros xa que empregarían o mesmo billete.
A frecuencia estimada destes microbuses sería cada 5 minutos, con posibilidade de acurtar o horario. Para conseguir este intervalo de tempo sería suficiente contar con 3 microbuses xa que o itinerario polo casco histórico tería unha duración de aproximadamente 15 minutos. Rozas expón que ademais das paradas na praza, mercado e en Santo Domingo permítase o acceso dos microbuses ata á Praza Maior ou ata o Edificio Administrativo do Seminario. Esta proposta do Grupo Municipal Popular formaba parte dun paquete de medidas "Lugo en circulación" do programa que presentou o PP na campaña electoral Enrique Rozas puxo de manifesto "que esta proposta contribuirá a potenciar o pequeno comercio, xa que se darían facilidades aos que acoden ao casco histórico. Na actualidade os aparcadoiros son insuficientes e coa supresión de liñas que pretende Orozco e o seu equipo de goberno prexudícase claramente a este sector." Novas Tecnoloxías.- Outra idea que Enrique Rozas defende ten que ver coa incorporación das novas tecnoloxías. Os populares piden que se axilice a implantación un sistema de información dixitalizado que informe aos usuarios do tempo tanto de espera en parada, como dentro dos vehículos para saber canto falta para chegar a destino. Con respecto ao anuncio de Rábade de eliminar o traxecto polo recinto histórico da L9-A o edil popular coincide coas reivindicacións das asociacións de comerciantes e industriais do centro: "A política de reducir un servizo para ampliar outro non ten sentido". Pódese reorganizar o transporte público atendendo todas as necesidades sen excluír a ningunha zona da cidade.