Web del Grupo Municipal del Partido Popular del Ayuntamiento de Lugo


O Grupo Municipal Popular denuncia o abandono da pista de patinaxe do Parque de Rosalía
11/04/2008	Interior

A chaira utilízase como aparcadoiro gratuíto ou para a celebración de botellóns. A pista que se inaugurou fai tres anos conta cun pavimento especial que custou case 230.000 euros. En sete meses foron incapaces de repor a varanda que delimita esta instalación deportiva.

A chaira da pista de patinaxe que o Concello fixo "co diñeiro de todos" nos bancales do Parque de Rosalía están servindo estes días de aparcadoiro gratuíto. Esta non é a primeira vez que se denuncia, desde o Grupo Municipal Popular, que a causa do "pasotismo do equipo de goberno" os coches estacionan sobre este pavimento especial, específíco para patinadores, que custou 228.770 euros.
Para o concelleiro popular, Enrique Rozas, este é outro caso no que se aprecia unha clara falta de control no mantemento dunha instalación pública. "Cando non hai coches aparcados, hai cristais rotos. Salta á vista a falta de xestión do Concello. Se non hai un seguimento mínimo facer esta obra foi tirar o diñeiro".
	Rozas critica que a varanda que delimita este espazo e que se quitou en outubro para colocar os postos de San Froilán, a día de hoxe segue sen reporse: sete meses de incapacidade. "Esta é a velocidade de cruceiro que prometen os socialistas para resolver as cousas do día a día?".
Nese sentido o concelleiro popular, Enrique Rozas, pediu a Orozco e o seu equipo de goberno que adopte as medidas necesarias para conservar en boas condicións a pista de patinaxe.