O Grupo Municipal Popular defenderá un rogo no pleno do luns, no que se insta ao equipo de goberno a que fagan as xestións necesarias ante o Ministerio de Fomento para o arranxo dun tramo da antiga estrada de Santiago ao seu paso pola parroquia de Calde.

Unha vez que leven a cabo estes arranxos os populares reclaman que o tramo de vía pase a ser de titularidade municipal.

O concelleiro encargado da zona rural, Manuel López, detallou en que consistirían os arranxos. Ademais de arranxar as marxes da estrada, pondo árbores e mobiliario urbano, apuntou a posibilidade de estudar o facer beirarrúas.

Con este tratamento os veciños de Calde disporían dunha zona de paseo cerca do núcleo.