Web del Grupo Municipal del Partido Popular del Ayuntamiento de Lugo


O Grupo Municipal Popular ve imposible que o PGOM se aprobe o 16 de abril
02/04/2008	Urbanismo

Castiñeira cre que Orozco e o seu equipo estalle tomando o pelo aos lucenses incumprindo, unha vez máis, a palabra dada. O goberno municipal expón que se analice o PGOM "a pedazos". Na primeira entrega unicamente está previsto que se acheguen algúns planos.

O Grupo Municipal Popular critica que Orozco e o seu equipo , unha vez máis, fosen incapaces de cumprir coa palabra dada. O máis triste desta situación é, aínda que a ninguén lle sorprende, o desprezo e a falta de respecto do PSOE aos cidadáns. Logo de nove anos de atrasos seguen sen saber a resposta das máis de 6.500 alegacións presentadas polos cidadáns lucenses. O Grupo Municipal Popular ve imposible que o Plan Xeral poida ser aprobado no pleno previsto para o 16 de abril. Jaime Castiñeira explica que non hai tempo suficiente para que se emitan os informes dos técnicos municipais antes desta data.
Castiñeira lamenta que non chegase ningunha documentación ás oficinas municipais e que, tal e como manifestou o señor Liñares, o documento urbanístico váiase a enviar fraccionado. "A primeira entrega que se nos anuncia é a dos planos de xestión e de ordenación. Nin normativa, nin memoria, nin o resto dos planos, nin memoria de modificacións que se fixeron, nin información das alegacións?".
	Para o edil popular o que está sucedendo é clara unha tomadura de pelo: "dan unhas datas para saír do paso a propósito de que non serán capaces de cumprir".