O Partido Popular expresou a súa máis absoluta condena aos actos vándalicos contra un autobús da Asocición Galicia Bilingüe que tiveron lugar esta noite na cidade de Lugo.

O Presidente Provincial do PP, José Manuel Barreiro, considera que esta actuación "contra a liberdade ideolóxica e democrática pon de manifesto a intolerancia de grupos reducidos e illados de persoas".

Barreiro considera que actos como o ocorrido esta noite afianzan se cabe máis aínda o traballo dos demócratas que "temos que insistir e seguir traballando para evitar que se repitan estas accións".

Barreiro puntualizou que "a lingua debe ser un elemento de comunicación e de unión e non de separación".

Pola súa banda, o portavoz do Grupo Municipal Popular, Joaquín García Díez lamentou que Lugo se some aos escenarios do vandalismo e da intolerancia "hai que condenar sen titubeos e demoras este tipo de actitudes", engadiu.