• A reurbanización á que se comprometeu en 2004 o equipo de goberno non se chegou a facer.
• Os veciños están cansos dos cortes de auga consecuencia das continuas fugas, e din que lles estragan os electrodomésticos

O Grupo Municipal do Partido Popular se fíxo eco das queixas dos veciños de Serra de Meira e rúa Piñeiral polos continuos cortes de auga que sofren consecuencia das fugas das tubaxes de canalización.

Os populares coinciden cos veciños en denunciar a falta de credibilidade e compromiso do Equipo de Goberno que lles prometeu en 2004 a reurbanización completa destas rúas. "Estamos ante unha nova promesa electoral incumprida, e a consecuencia directa dos parches que se fixeron, hai fugas de auga que deixan sen subministración aos veciños".

Os veciños están fartos de tanta incompetencia e reclaman o cambio das tubaxes. Segundo as denuncias recollidas pola edila Teresa Taboada, tras recuperarse o servizo de auga tras un dos cortes a auga sae con lodos, chegando a estragar electrodomésticos tales como lavadoras.