• Os populares insisten en reclamar que se presenten informes xurídicos que clarifiquen que ningún cidadán se vexa nunha situación de indefensión xurídica polos cambios introducidos no documento urbanístico.
• Esta tarde os populares participaron nunha reunión aberta aos veciños das Gándaras para dar conta da información da que dispón sobre este barrio e lindeiros.

O Grupo Municipal do Partido Popular anuncia a convocatoria dunha reunión cos sectores económicos e de representación cidadá afectados polo atraso do Plan Xeral.

Os populares convocarán para o vindeiro luns, día 11 ás 17:00 horas unha reunión de traballo con Colexios Profesionais, APEC, Asociación de Promotores, CEL, representantes do movemento veciñal... Este encontro servirá para pulsar a opinión destes colectivos en relación coa tramitación do Plan Xeral e tamén se informará das diferentes achegas que o grupo popular presentou con intención de mellorar o Plan.

O Partido Popular criticou "a falta de credibilidade" do equipo de goberno socialista. O PP considera que o futuro de Lugo non se pode supeditar ás convocatorias electorais: "un proxecto deste tipo ten que estar por encima das contendas nas urnas". Deste xeito contestaba á afirmación de Liñares de que en marzo contaban con ter aprobado o plan.

A día de hoxe non se convocou a Comisión de Planeamento. Seguimos acumulando outra semana máis de atraso.

O Partido Popular volveu insistir en que é necesario que se presenten informes xurídicos que clarifiquen que ningún cidadán quede en situación de indefensión xurídica polos cambios introducidos.