• O Portavoz do Grupo Municipal Popular e candidato ao Congreso dos Deputados explica que as oficinas levan meses terminadas polo que, ao seu xuízo, a demora responde "a unha estratexia deliberada do PSOE para inaugurar as dependencias a poucos días da campaña".
• García Díez, ve inxustificable o atraso da apertura da oficina do DNI de Lugo. Dado que as obras terminaron fai meses non atopa unha xustificación do por que continúan pechadas

O Portavoz do Grupo Municipal Popular e candidato ao Congreso dos Deputados ve unha clara intencionalidade á hora de atrasar esta inauguración xa que ao seu xuízo, a demora responde "a unha estratexia deliberada do PSOE para inaugurar as dependencias a poucos días da campaña".

García Díez reprocha esta forma de actuar "na que se priman os intereses partidistas ante os intereses da cidadanía en xeral" e puntualizou que a consecuencia directa desta decisión do PSOE ven afectados todos aqueles lucenses que desde fai dous meses sofren, desde primeira hora da mañá, longas colas á intemperie para tramitar o seu DNI nas actuais oficinas da rúa Chantada.