| |
|
|
| |
O Grupo Municipal Popular denuncia que a cidade está invadida polas pintadas |
08/01/2008 |
|
* O Grupo Municipal Popular, a través da concelleira Teresa Taboada presentou hoxe un documento gráfico que recolle algunhas das moitas pintadas que se poden atopar na cidade de Lugo, nunha situación que cualificou de "descontrol" por parte do Goberno Municipal.
|
Teresa Taboada denunciou que "non se trata dun tema menor, senón dunha situación que hoxe día afecta a practicamente todas as rúas de Lugo. Vemos pintadas en farois, paredes, garaxes, cadros eléctricos" ata na propia Muralla de Lugo e outros edificios e monumentos da nosa cidade."
Consecuencia das múltiples e asiduas pintadas é que as comunidades de propietarios renuncian a pintar as fachadas das súas propiedades unha e outra vez, porque aos poucos días é habitual que se atopen con que o seu traballo e investimento non serviron de nada.
Na cidadanía esténdese a percepción de que este tipo de actos gozan dunha total impunidade, xa que hai moitas pintadas que levan, literalmente, máis de catro anos nas paredes da nosa cidade sen que nunca se trataron. Esa sensación de que o Concello non actúa contra quen estragan as fachadas e monumentos de Lugo fai que os cidadáns vexan inútil recorrer á denuncia.
|
|
Fieis ao principio seguido polo Grupo Municipal Popular, en que se farán propostas cando se critique unha actuación ou, como neste caso, un falta de actuación do Goberno, a edila popular propón como medida necesaria unha múltiple estratexia, que parece obvia pero que non se segue: limpeza, educación, vixilancia e espazos adecuados para graffiteros. |
Limpeza
De pouco valen todas as medidas que se poidan tomar respecto de vixilancia ou educación, que se tratarán a continuación, se os servizos municipais de limpeza, ou as empresas encargadas do tema, non van corrixindo os problemas a medida que se producen. Hai pintadas en Lugo con máis de catro anos de antigüidade comprobada, e outras que levan moito máis tempo e que todos coñecemos.
A pesar da dificultade de limpar este tipo de actos vandálicos, é responsabilidade do Goberno Municipal buscar sistemas de limpeza adecuados ou, polo menos, intentar reparar os danos da forma adecuada.
Campañas de educación e concienciación:
De forma complementaria ao anterior, deberían prepararse accións orientadas desde varios puntos de vista:
1. Específicas para os potenciais "grafiteros", concienciándolles do dano que producen tanto material como de imaxe da cidade. Previamente habería que facer un estudo que defina a quen hai que dirixir este tipo de campañas.
2. Campañas orientadas ás comunidades de veciños e propietarios, para que sexan estes os encargados de comunicar aos servizos municipais de limpeza a aparición de novas pintadas, utilizando os servizos de alerta xa existentes, e ata alertando á Policía Municipal cando vexan que se están producindo os feitos.
3. Campañas xenéricas orientadas a toda a cidadanía para que non "fagan a vista gorda" respecto deste tema e outros de gran importancia para todos, de forma que se implique aos lucenses para denunciar e corrixir todos estes problemas.
Vixilancia e medidas disciplinarias
É totalmente necesario intensificar a vixilancia e acabar coa sensación de impunidade para estes feitos que hoxe día percibe gran parte da poboación de Lugo.
Espazos libres para graffiteros:
A edil popular considera que podería estudarse dedicar uns espazos moi concretos como muros de formigón ou determinados valos para que os grafiteros decórenos, pero sempre en espazos limitados e autorizados para evitar que muros de pedra e fachadas das casas sexan vítimas desta manifestación artística.
|
| |
|
|
|
|
|
| |
|
|
|
|
|
|
| |
|
|
|
| |
|
|
|
| |
|
|
|
| |
|
|
|
| |
|
|
|
| |
|
|
