O Grupo Municipal Popular, faise eco do malestar veciñal, pola instalación de catro bandas rugosas nun tramo de aproximadamente 450 metros, na pista da Louzaneta que une a estrada de Santiago coa de Friol e o Burgo.

O edil popular Manuel López indica que para colocar as bandas rugosas fixeron unhas gabias con formigón, polo que quedan a unha altura excesiva.

Manuel López pensa que nesta zona non é necesaria a instalación de bandas rugosas, xa que cun reforzo da sinalización vertical de limitación de velocidade sería suficiente. Por outra banda o concelleiro popular pide ao Concello o arranxo do firme da pista que está deteriorada e con moitos buracos que dificultan o paso de vehículos.