O Grupo Municipal do Partido Popular solicita que os servizos municipais estuden a viabilidade de implantar pasos de peóns intelixentes "a modo de experiencia" nalgún punto conflitivo da cidade.

Este dispositivo baséase nuns sensores fotoeléctricos que se sitúan nos extremos do paso e detectan ao peón. Os sensores envían un sinal a un panel que se ilumina alertando aos condutores da presenza de viandantes.

Rozas considera que estes pasos de peóns son unha proposta a valorar para reducir os atropelos de peóns en zona urbana.

O edil popular considera que este dispositivo intelixente deberase instalar en puntos conflitivos polo seu intenso tráfico e pola gran afluencia de peóns. Con este sistema conciencíase aos cidadáns para que utilicen os pasos de peóns evitando cruzar a calzada por outros puntos máis perigoso, así como mellorar o comportamento dos condutores.

Comisión local de seguridade.-

Rozas avogou unha vez máis pola constitución da comisión local de seguridade, un organismo ao que o Equipo de Goberno deu o seu visto e prace no último pleno por mor dun rogo que presentou o Grupo Municipal. "Mentres non se constitúa este organismo, o Grupo Municipal Popular seguirá traballando e achegando propostas que melloren a circulación e seguridade de Lugo"..