Con valentía, o xa Bispo Emérito de Lugo, non deixou de facer mención á enfermidade que está sufrindo no seu discurso de agradecemento por este título, que recoñeceu que "non é un máis", senón que para el ten un significado moi especial. Frei José permanecerá en Lugo como administrador apostólico.

O secretario do Concello fixo lectura do acta que acredita o nomeamento como Fillo Adoptivo de Lugo ao Bispo Emérito, e a continuación o Alcalde entregoulle unha placa e un pergamiño en que se recolle o acordo adoptado por unanimidade de PP, PSOE e BNG o pasado día 14 de decembro.

Gran número de personalidades da cidade acudiron ao acto, que tivo lugar ás 19:00 horas no Obispado, e rendéronlle homenaxe a un home que durante case tres décadas ocupou o máis alto cargo eclesiástico da diocese lucense.

Os asistentes, visiblemente emocionados pola profunda e forte voz de Frei José no seu agradecemento aos asistentes, e en especial aos membros do Consistorio Lucense polo recoñecemento que se lle facía, dedicaron un longo e forte aplauso ao Bispo Emérito.