Web del Grupo Municipal del Partido Popular del Ayuntamiento de Lugo


Alicia Pena participou na constitución do Foro Ibérico de Cidades Amuralladas en que está integrado Lugo
30/11/2007	Cultura e Turismo

* A concelleira popular explicou que entre os acordos adoptados destaca a proposta para celebrar o ?día ibérico das murallas? en todas as cidades que forman do foro.
A concelleira popular, Alicia Pena Murias, asistiu onte, en representación do Concello de Lugo e substituíndo ao Alcalde, á reunión de constitución do Foro Ibérico de Cidades Amuralladas que se celebrou na localidade de Plasencia. Entre os 46 socios fundadores deste foro hai cidades españolas e portuguesas. No transcurso da reunión presentáronse distintas iniciativas para dar a coñecer as cidades adscritas ao foro á vez que se intercambiaron experiencias de programas de promoción que levan a cabo noutras cidades con muralla.
Nesta primeira cita tomáronse varios acordos, sendo os máis destacados: - A celebración do Día Ibérico das murallas en todas as cidades que forman o Foro. Trátase dunha celebración de carácter anual a desenvolver na primavera. A idea é que as actividades leven a cabo un día lectivo e implicar aos centros educativos. - Creación da páxina web de FICAM. Elaborar material promocional e institucional e realización dun Plan de Promoción e Comunicación da Asociación.
	Outros acordos aos que se chegaron neste encontro foron: - Pór en funcionamento un comité técnico para impulsar medidas concretas no ámbito económico, cultural, social... - No marco do Foro, deixouse patente a necesidade de buscar e captar recursos nacionais e europeos para a promoción e desenvolvemento do Plan de Acción. A próxima Xunta Directiva terá lugar na primavera de 2008.