26/11/2007

A concelleira do Grupo Municipal do Partido Popular, Teresa Taboada, reclama a poda inmediata das árbores da rúa Monte Faro. A edila explica que neste viario é difícil utilizar a beirarrúa que vai pegada ao parque de Frigsa porque as ramas das árbores molestan aos veciños, e algunhas delas ata caeron sobre os coches, e as raíces levantan as baldosas.

Outra queixa da veciñanza de Monte Faro ten que ver coa presenza dos estorniños, "a rúa está perdida de excrementos". Teresa Taboada reclama que o Concello actúe cunha maior frecuencia nesta zona.

A edila popular tamén reclamou que se estude a posibilidade de implantar neste viaria medidas de control de velocidade "xa que por esta zona pasea moita xente maior e nenos e ás veces prodúcense situacións de risco".