Web del Grupo Municipal del Partido Popular del Ayuntamiento de Lugo


O Grupo Municipal Popular pide máis medios para a Banda Municipal
22/11/2007	Cultura
* Alicia Peña: "Se queremos que teña calidade hai que investir en persoal". * "É unha mágoa que se abandone á agrupación cando a afección en Lugo aos recitais é moi alta".
O Grupo Municipal do Partido Popular solicita ao equipo de goberno máis medios para a banda municipal. Alicia Peña explica que, desde fai catro anos, non se renova o seu vestiario : "os abrigos están xa moi desgastados", e tamén se necesita renovar algún dos instrumentos deteriorados, "fai moito que non reciben nada", recalcou Pena Murias. A edila popular considera que hai un desinterese por parte do Concello de Lugo por relanzar a banda. A ausencia de substitución por parte da mocidade é un dos seus problemas. De feito os 5 bolseiros que hai na actualidade cesan dentro dun mes: "Aínda que é certo que a cantidade non é sinónimo de calidade, está claro que tampouco hai calidade sen cantidade", subliñou a concelleira popular. Na actualidade a banda municipal está formada por 17 músicos e 5 bolseiros, aínda que coñeceu tempos mellores durante os gobernos do Partido Popular, en que a agrupación chegou a ter ata 38 compoñentes.

Para Alicia Peña o Concello debería apostar por dar un impulso á banda municipal tendo en conta a afección que hai na cidade, onde son moitos os que acoden aos recitais da banda os domingos pola mañá e os xoves pola tarde.