Web del Grupo Municipal del Partido Popular del Ayuntamiento de Lugo


A alternativa do PP en materia deportiva para os orzamentos 2008
26/10/2007		Deportes
* O Grupo Municipal Popular lamenta que o PSOE tardase 8 anos en darse conta de que FRIGSA era a mellor localización para a cidade deportiva * Rozas pide o compromiso dos socialistas para que neste mandato cúbranse as 7 pistas de tenis municipais. * Solicita unha partida específica para compra de pistas polivalentes coas que se paliaría o déficit de instalacións tanto na cidade como na zona rural. * O edil popular volve pedir a construción dun circuíto de velocidade.
O Grupo Municipal do Partido Popular presentou hoxe a súa alternativa de investimento para 2008 en materia deportiva. Enrique Rozas puxo sobre a mesa tres proxectos para dinamizar distintas modalidades deportivas: 1. Cuberta das 7 pistas de tenis municipais.- Enrique Rozas afirma que as instalacións que hai na cidade son insuficientes para alta demanda da práctica deste deporte e que non reúnen as condicións para poder aproveitalas na súa totalidade no inverno: "poderíanse programar quendas desde primeira hora da mañá sacando máis partido a estas instalacións". Rozas pide o compromiso do goberno para que cada ano resérvese unha partida específica nos orzamentos para cubrición das 7 pistas de tenis municipais (custo aproximado por unidade 60.000 euros). Así ao final dos catro anos de mandato todas estas instalacións estarían listas. A ocupación diaria das pistas de tenis de FRIGSA e do Pombal é dunhas 30 persoas, polo que preto de 900 afeccionados a este deporte utilízanas cada mes, aumentando o número de usuarios no verán. Na actualidade nestas dependencias celébranse ligas galegas (en categoría xuvenil, senior e veteranos) e ademais hai que ter en conta que nas horas libres dispoñibles utilízana o resto de cidadáns que queren practicar este deporte.
2. Construción dun circuíto de motocrós.- O proxecto sería construír nun espazo de 20.000 metros cadrados un recinto pechado cunha lonxitude de 2.000 metros e cun ancho de 8 a 10 metros.
Estas instalacións poderían acoller, sen problema, probas de nivel provincial e autonómico. O Concello tería na súa man a posibilidade de dotar a este circuíto de motocrós das infraestruturas necesarias para que nun futuro albergase campionatos nacionais. Tamén servirían para a práctica do car-cros e Quads. 3. Estudo de construción pistas polivalentes.- A outra iniciativa do Grupo Popular é pedir a adquisición de dúas pistas polivalentes. Estas instalacións servirán para paliar o déficit de espazos acondicionados para práctica deporte, tanto na cidade como na zona rural. A vantaxe destas pistas polivalentes é que poden montarse e desmontarse en función das necesidades de cada zona. Este espazo adaptable a zona onde instalar serviría para práctica de baloncesto, fútbol, fútbol sala, jockey, balonmán, tenis"" Falta de ideas.- O concelleiro do Grupo Popular, Enrique Rozas, mostrou a súa satisfacción porque logo de oito anos o goberno local deuse conta de que a idea e a aposta do Partido Popular de converter FRIGSA na cidade deportiva de Lugo era a máis idónea. Rozas lamenta que o PSOE estea dándolle voltas durante dous mandatos para chegar a esta conclusión que agora anuncia aos catro ventos "o PP xa o tiña claro na campaña das eleccións locais do ano 2003".