18/10/2007

* Teresa Taboada afirma que a maleza invade numerosas leiras e que nalgúns casos invade a vía pública.
* A edila popular critica o deixamento do responsable de urbanismo que prometeu, fai catro meses, intensificar a vixilancia para manter limpas estas leiras

A concelleira popular Teresa Taboada pregunta "Que foi do anuncio que o Concello fixo fai catro meses indicando que se intensificaría o control para conseguir que os propietarios de leiras mantivésenas limpas?". Nese sentido a edila popular quere saber que xestións fixo o Concello cos donos destes terreos para comunicarlles a obrigación que teñen de retirar a maleza e pechar os solares sen edificar.

.- Informe zonas afectadas

Teresa Taboada enumerou unha relación de rúas que presentan un aspecto deteriorado por este motivo.

Os populares alertan de que este problema está deslocalizado e que as zonas afectadas van desde Garabolos, Albeiros, Piringalla, A Estación, Montirón, Acea de Olga, Rolda do Carme e ata no centro da cidade.

Nalgúns casos a maleza sobe superando pola parte superior os muros de peche das leiras, molestando aos viandantes (Rúa Miguel de Cervantes).

A edila popular puntualizou que o deixamento e permisividad do Concello con respecto á limpeza destes solares invita a que se tire neles todo tipo de lixo e cascallos.
Para rematar Teresa Taboada lamentou a falta de credibilidade dun goberno que anuncia actuacións que logo non son capaces de levar a cabo "entendemos que as cousas non se fan dun día para outro pero o que non é de recibo é comprometerse con algo por saír ao paso das críticas veciñais".