3.- Proposición do Partido Popular para instar á Xunta a eliminar o imposto de sucesións:

José Manuel Barreiro, concelleiro e Presidente do Partido Popular de Lugo, propuxo ao Pleno que o Concello da cidade instase á Xunta de Galicia a dirixir a súa política a unha progresiva desaparición do imposto de sucesións, tal e como se está facendo nas Comunidades Autónomas gobernadas polo PP.

Tanto o BNG como o PSOE opuxéronse a esta redución de impostos argumentando que esta medida só beneficiaría ás grandes fortunas, motivo rebatido por Barreiro ao explicar que a situación actual o que fai é que os interesados soporten dous impostos por un mesmo capital: o IRPF e, no seu caso, o imposto de sucesións.

O concelleiro Jaime Castiñeira elevou un rogo ao Goberno Local para que o Concello faga un seguimento serio que evite o actual caos urbanístico que supón a apertura e peche de rúas por diferentes obras e servizos.

A intención do rogo é que unha vez arránxese unha rúa, as empresas de servizos que se vexan obrigadas a perforala, teñan o deber de deixala posteriormente igual que estaba, sen diferenzas de pavimentos, fochancas ou "parches" como sucede actualmente.

Segundo o Goberno Municipal isto non sucede e en Lugo non hai rúas parcheadas.

Teresa Taboada, concelleira encargada de Medio Ambiente do Grupo Municipal Popular, fixo unha pregunta sobre o convenio remitido pola Consellería de Cultura ao Concello de Lugo para a limpeza do noso principal monumento.

O concelleiro de Medio Ambiente respondeu que dito convenio non era do agrado do Goberno Municipal e que propuxeran unha reforma do mesmo. En lugar de asinalo este ano para que a Muralla estivese limpa e facer as súas observacións para o convenio do 2008, o goberno local aprazou a firma do mesmo, co que este verán os visitantes de Lugo tiveron que soportar a maleza que se apropiou de zonas da Muralla.

Os continuos desencontros entre PSOE e BNG no goberno da Xunta parecen pasar factura á cidade de Lugo.

O Portavoz do Grupo, Joaquín García Díez, preguntou ao Goberno Local polo estado do novo Auditorio de Lugo e se, como parece ante as recentes declaracións do Alcalde na prensa, planean modificar o proxecto aprobado en 1999 por unanimidade de todos os grupos e construír o auditorio fose do centro.

A resposta do Alcalde non foi tal, xa que resumiu as actuacións que o propio García Díez fixo na súa etapa de Alcalde e culpou, tanto directa como indirectamente, ao BNG de que non se construíu xa o auditorio en San Fernando. A continuación falou dun suposto "plan B" que contemplaría a construción do Auditorio noutra localización, fóra da zona centro da cidade.

O Portavoz do PP lamentou esta actitude do Alcalde, xa que se demostra unha vez máis a súa falta de interese en que o acordo adoptado en 1999 leve a cabo e que se produzan máis atrasos nesta importante dotación.

Cristina Ares, concelleira do Partido Popular, preguntou ao Goberno Local sobre o insólito feito de que desde as eleccións de Maio de 2007 non se rexistrou nin unha reclamación ou queixa de ningún cidadán de Lugo.

Nunha cidade de 90.000 habitantes, é sorprendente que ningún eleve unha soa queixa ao Concello.

A resposta da concelleira Luisa Zarzuela foi que non hai queixas porque todos os cidadáns están contentos. Parece que na cidade non hai porqué queixarse absolutamente de nada.