O edil popular insinuou que "quizais alguén perdeu ou levou os papeis", en referencia ao anterior concelleiro de urbanismo e actual presidente da Deputación "se houbo un cambio de concelleiro supomos que a documentación que tiña o anterior responsable pasouna puntualmente ao seu compañeiro. No entanto Besteiro ata segue sendo concelleiro do PSOE na actual corporación polo que non entendemos esta repetición da xogada".

Castiñeira indicou que é "escandaloso e bochornoso" que con este asunto volvamos partir practicamente de cero. O edil popular pídelle ao PSOE que se poña as pilas xa que a convocatoria para mañá é para falar de cuestións que xa están vistas.

Para Jaime Castiñeira con esta repetición de reunións demóstrase a falta de capacidade de xestión do PSOE. O edil popular subliñou que ten a esperanza de que se poida aproveitar o traballo realizado nas distintas reunións nas que se tratou o informe de Cultura.

O Grupo Popular revisou esta mañá a documentación que está a disposición dos grupos municipais na secretaría do Concello. Os populares cren que o equipo de goberno debería "apertar máis ao equipo redactor". Seguen detectándose moitos edificios, algúns de recente construción, dentro de polígonos. "Se se aproba así, sen corrixir, orixinará graves problemas xa que poderían provocar innumerables contenciosos de veciños afectados".