A edila popular quere saber que criterio utiliza o concello para elaborar os horarios para que os grupos musicais utilicen estas dependencias “ata o grupo popular chegaron as queixas dalgúns usuarios que aseguran que cando se abre a casa da música, antes de entregar as solicitudes para ocupar local xa están cubertas varias franxas horarias no taboleiro de anuncios”.

A edila subliñou que hai descontento porque a normativa non se aplica igual para todos “hai grupos que teñen restrinxido a catro horas de ensaio semanais cando lle corresponderían, dacorco coas normas de utilización,  seis horas semanais repartidas en dous días ou en tres”.

López Linares pide responsabilidades ao equipo de goberno xa que “non é de recibo que unhas dependencias municipais, pagadas cos cartos de todos funcionen como un coto privado do responsable das instalacións quen, segundo denuncian usuarios, favorece aos grupos que lle interesa”. Sofía López pide que se tomen cartas no asunto para que todos os conxuntos musicais de Lugo poidan utilizar estas instalacións en igualdade de condicións.

Material.-

A concelleira do PP tamén reclamou que o concello repare ou cambie, con prontitude, o material que polo uso se estropea:  “Déronse casos de grupos que tiñeron que volver a casa sen ensaiar porque o amplificador estaba avariado e se lles negou sen motivo que ocupasen un local libre, dotado de medios que nese momento estaba baleiro.