 |
 |
 |
 |
 |
 |
 |
 |
 |
 |
 |
O Grupo Municipal Popular estrea páxina web e nova imaxe corporativa |
|
21/09/2007 |
|
*
www.ppdelugo.com “é unha web dinámica, positiva e aberta aos cidadáns” |
|
As cores laranxa e branca marcarán a nova imaxe corporativa do Grupo Municipal do Partido Popular de Lugo nesta lexislatura. Na propia páxina web que se presentou esta mañá se utiliza esta cor simbolizando a “vitalidade e o entusiasmo” do equipo que traballará dende o concello para conseguir, a través das súas propostas un Lugo mellor. O voceiro do Grupo Popular Joaquín García subliñou que a idea desta páxina web é manter unha nova vía de comunicación cos veciños” e avanzou que a web será ante todo “dinámica, positiva e aberta aos cidadáns”. |
|
A páxina, bilingüe, ábrese cun saúdo do voceiro no que invita a participación “fuximos da confección dunha páxina propagandística xa que pretendemos que a nosa sexa unha ferramenta útil”. |
|
De aí a existencia da pestaña Contamos contigo onde calquera poderá enviar as súas queixas, suxestións ou felicitacións incluso hai o compromiso de publicar fotos denuncia e de facer un seguimento dos temas que particulares envíen a través da rede. Os internautas que tecleen www.ppdelugo.com poderán tamén consultar as distintas propostas dos concelleiros do Grupo Popular ben pola orde cronolóxica das súas intervencións, ou ben polas distintas áreas nas que se reparte o traballo. Unha galería de fotos, enlaces a outras páxinas provinciais e estatais do Partido Popular, indicacións de cómo poñerse en contacto ou fixar entrevistas persoais completan esta páxina na que non falta a sección de opinión. O voceiro do Grupo Popular, Joaquín García Díez, terá tamén o seu propio blog no que opinará sobre distintos temas de actualidade. O compromiso é que teña unha periodicidade semanal. Unha das novidades desta páxina web é a incorporación dun sistema de avisos en forma de banner onde se informará de convocatorias e actos de interese. |
|
 |
 |
