Web del Grupo Municipal del Partido Popular del Ayuntamiento de Lugo


O Grupo Municipal Popular pide que se desprace a zona de carga e descarga da rúa Villalba
09/09/2007	Réxime interior
* Enrique Rozas solicita este cambio antes do comezo do curso para evitar situacións de colapso de tráfico
O Grupo Municipal Popular a través do concelleiro Enrique Rozas solicita de forma urxente o cambio de localización da zona de carga e descarga da rúa Vilalba. Para o edil do PP esta vía é un dos puntos negros que hai na cidade, xa que, ao peonalizar o tramo da rolda, absorbe todo o tráfico. Esta situación verase agravada co comezo do curso escolar xa que, á marxe da circulación normal diaria, engadiranse os autobuses de transporte escolar. Enrique Rozas considera que esta situación podería evitarse desprazando a zona de carga e descarga que hai na entrada desta rúa inmediatamente logo da parada de autobuses. Deste xeito evitaríase os embotellamentos que se rexistran cando camións e furgonetas de repartición estacionan neste punto, ao trasladar a zona de carga e descarga habería unha maior fluidez do tráfico rodado e evitaríanse situacións de risco
Recordar que o Grupo Popular instou recentemente ao goberno municipal para que constitúa o máis axiña posible, un grupo de traballo que analice solucións rápidas e eficaces para eliminar os numerosos puntos negros que hai na cidade.
Os populares propuxeron que este equipo estea integrado por representantes de todos os grupos municipais, por técnicos, funcionarios municipais das áreas implicadas (policía municipal, gabinete de tráfico, servizo infraestruturas, negociado de transportes...). A La hora de adoptar estas medidas debería contarse tamén coas suxestións dos representantes do sector do transporte como taxistas, repartidores e colectivos como o dos motoristas, ciclistas.