Web del Grupo Municipal del Partido Popular del Ayuntamiento de Lugo


PSOE e BNG rexeitan a proposta sobre o plan de reequilibrio territorial de Galicia presentada polo PP
03/09/2007	Economía
* Esperábase que por coherencia apoiasen esta proposición. "O seu rexeitamento a esta iniciativa reflexa o seu conformismo". "O BNG e o PSOE co seu voto contrario o que manifestan é que están satisfeitos do que o Plan de reequilibrio recolle para Lugo: NADA" * Socialistas e nacionalistas pensan entón que Lugo non ten nada que reequilibrar "sobra de todo".
Palabras de Touriño sobre o plan (4-09-08): "Por primeira vez na historia deste país hai unha aposta, un desafío colectivo para ir logrando que as zonas máis atrasadas recuperen posicións". Socialistas e nacionalistas rexeitaron, esta tarde no pleno do Concello a proposición que presentou o Partido Popular. José Manuel Barreiro lamentou que PSOE e BNG renunciasen a mellorar este documento. José Manuel Barreiro argumentou que o documento non presenta ningunha novidade. No seu contido mestúranse moitos proxectos pendentes tras o cambio de Goberno autonómico, que xa tiñan que estar executados, e outras actuacións que foron paralizadas polo bipartito e que, no seu momento, nin sequera preocupáronse por reprogramar.
O Grupo Municipal Popular considera de interese municipal prioritario que o Pleno do Concello de Lugo inste á Xunta de Galicia a que teña en conta as achegas dos concellos antes de pechar definitivamente o plan, e a que estableza prazos de execución concretos así como as previsións orzamentarias precisas en relación con todas e cada unha das actuacións incluídas no ata.