Web del Grupo Municipal del Partido Popular del Ayuntamiento de Lugo


O PP preguntará en que situación está o expediente do vertedoiro de San Cibrao iniciado pola Xunta en marzo deste ano
30/08/2007	Urbanismo e infraestructuras
* Fai un ano que o Grupo Popular denunciou que un particular vertía, sen as debidas autorizacións, nuns terreos municipais. * Os populares seguen á espera de que a fiscalía resólvase o expediente.
O Grupo Municipal Popular critica a falta de intervención por parte do Concello e Xunta de Galicia tanto no arranxo do Camiño Primitivo ao seu paso polo vertedoiro de San Cibrao, como na rexeneración desta zona. O Grupo Municipal do PP denunciou o 25 de agosto de 2006 a explotación dun depósito ilegal lindeiro cun tramo da ruta xacobea. Os populares pediron explicacións ás distintas Consellerias de Ordenación do Territorio, Cultura, Medio Ambiente e Industria e tamén se presentou a documentación na fiscalía de Lugo.
O Grupo Popular denunciaba que se estaban levando a cabo vertidos sen as debidas autorizacións en terreos municipais e que un particular cobrou por esta actividade sen que mediase concesión algunha.
Pasou un ano e ningunha das administracións ás que se comunicou o caso resolveron a denuncia e a zona segue igual que cando pararon, en setembro de 2006, as verteduras. O único novo é a maleza que creceu no monte. Desde o Partido Popular presentaranse novas iniciativas para saber en que situación está o expediente aberto pola Consellería de Ordenación Territorial e insistirá en pedir que se fagan catas para comprobar se houbo depósitos de restos da construción nesta zona.