Para a concelleira popular o equipo de goberno abandonou a estes veciños. Proba diso é a deterioración do pequeno xardín situado ao fondo da rúa: ?o único banco que hai está cheo de pintadas, a herba está sen cortar; e faltan uns rosales que arrincaron e nunca repuxeron?.

A concelleira, que visitou esta zona, explicou que habitualmente aparecen coches abandonados (hoxe ata hai un a vinte metros do cruzamento coa Avenida da Coruña).

A imaxe do barrio agrávase cos grafitos e a sucidade xeral que hai na rúa, aparecendo ata rodas tiradas.

Para rematar a concelleira popular pediu a reparación das beirarrúas, que se atopan moi deterioradas, así como un repaso da calzada, que segundo os veciños non se tocou desde fai dez anos.

Rúa da Cruz.-

Teresa Taboada tamén se fixo eco das queixas de comerciantes e hostaleiros da rúa da Cruz pola aparición de nubes de moscas dentro dos seus locais.

Os insectos, dun tamaño moi reducido, saen dos canlóns laterais que hai ao longo da rúa. Segundo técnicos especialistas en desinfección, estas moscas aparecen en augas apozadas.

A edila popular apuntou que a existencia destes insectos pode ser un problema derivado do cambio que o equipo de goberno fixo da canalización da rúa da Cruz, cando quitou as lousas de pedra e substituír polas que hai na actualidade.