Os populares argumentan que o documento non presenta ningunha novidade. No seu contido mestúranse moitos proxectos pendentes tras o cambio de Goberno autonómico que xa tiñan que estar executados e outras actuacións que foron paralizadas polo bipartito e que, no seu momento, nin tan sequera preocupáronse por reprogramar.

Ademais, o Partido Popular critica a falta de concreción de boa parte dos proxectos a executar e a ausencia de previsións orzamentarias e prazos de execución concretos. Igualmente, os populares denuncian a soberbia e prepotencia da Xunta de Galicia, que presentou o plan sen consultar cos concellos nin coas deputacións provinciais.

Por todo o anterior, o Grupo Municipal Popular considera de interese municipal prioritario que o Pleno do Concello de Lugo inste á Xunta de Galicia a que teña en conta as achegas dos concellos antes de pechar definitivamente o plan, e a que estableza prazos de execución concretos así como as previsións orzamentarias precisas en relación con todas e cada unha das actuacións incluídas en mesmo.