Web del Grupo Municipal del Partido Popular del Ayuntamiento de Lugo


O Grupo Municipal Popular preocupado pola nova aparición de peixes mortos no río
06/08/2007	Medio Ambiente
* Este é o segundo caso que se rexistra en menos de tres semanas. * Os populares piden que non se eludan responsabilidades e reclaman ao Concello un control máis exhaustivo a través do servizo de socorristas acuáticos e patrulla verde
O Grupo Municipal do Partido Popular expresou a súa preocupación pola aparición de troitas mortas no Miño na zona do Caneiro do club fluvial. Os populares recordan que esta non é a primeira vez neste verán que aparecen peixes flotando nas augas do río. A última foi hai pouco máis de tres semanas, en concreto o 17 de xullo nas proximidades da ponte romana da estrada de Santiago. Os populares mostran a súa estrañeza pola contestación do Concello que ao seu xuízo se desentiende deste suceso.
"Aínda que non sexa da súa competencia directa o Concello si ten un servizo de socorristas acuáticos así como a patrulla verde que poderían levar a cabo un control máis exhaustivo. Á vista está que nin se preocupan nin toman as medidas que están ao seu alcance".
Dado que en ambos os casos os peixes apareceron mortos en zonas próximas o Grupo Popular quere saber se se trata de verteduras localizadas, e se se fixeron as análises de aúgaas pertinentes. "A estas alturas deberían saberse os motivos que provocaron a mortaldade do primeiro caso e, dado que as troitas mortas apareceron onte nunha zona próxima, cabe a posibilidade de que as causas sexan as mesmas". O Grupo Popular agarda que a solución deste problema ambiental non pase por un rifi-rafe de competencias como o que vivimos a semana pasada coa situación da Muralla.