A concelleira Teresa Taboada solicita que se limpe a cuneta con urxencia, xa que hai botellas, plásticos, deterxentes e residuos de todo tipo co consecuente impacto ambiental. Pediu que se aproveiten as obras que se están realizando na variante Nadela-A Tolda para canalizar ese tramo, coa finalidade de darlle unha solución rápida, reducindo os custos e evitando unha obra posterior que xeraría molestias a condutores e veciños da zona.

Manuel López indica a necesidade de acondicionar o campo da feira de Nadela, xa que existe unha Carballeira singular que está en mal estado, sobre todo na zona das grelladas. Solicítase tamén que se estude a ampliación da zona de recreo na vertente do regato existente nas proximidades, coa posibilidade de facer un paseo e crear unha verdadeira zona lecer. Igualmente o edil popular solicita o traslado do punto de provisión de plásticos agrícolas a outro lugar por non ser o sitio actual o máis adecuado.

Manuel López faise eco da petición veciñal de arranxar as beirarrúas da N-VIN ao seu paso por Nadela, porque actualmente están máis altas que as vivendas e cando chove entra a auga no interior das casas.