* Na comisión celebrada hoxe déuselle a razón aos populares ao recoñecer que o deseño das edificacións da leira de Garañón era "manifestamente mellorable".
* Jaime Castiñeira: "a situación é complicada dado que a tramitación do expediente está moi avanzada, e a causa do atraso da aprobación do PXOM"

O concelleiro do Grupo Popular afirmou que o seu partido seguirá loitando para mellorar o deseño e minimizar o impacto visual das edificacións que se van a construír nas costas do parque.

Jaime Castiñeira explicou que na comisión celebrada, esta mañá, recoñeceuse que o PXOM do PP do ano 1991 permitía facer un PERI distinto ao actual na leira de Garañón, no que se contempla a construción de 6 torres de nove plantas cunha fronte de 88 metros. "Quedou claro que se puido facer outra cousa distinta, neste momento a situación é moi complicada". "Está todo ben atado, a pesar de todo intentaremos facer algún caneo".