| |
| O Grupo Municipal Popular acudirá á comisión de achaiadura con ánimo de buscar solucións para as torres das costas do parque |
04/07/2007 |
|
* Castiñeira ve unha falta de cortesía na afirmación de Liñares en que di que non modificará nadiña de nada do proxecto. |
Satisfacción no Grupo Popular pola convocatoria para este venres da xunta de portavoces para estudar a situación das torres das costas do parque. "finalmente e grazas á presión exercida desde o Partido Popular vaise a analizar este proxecto". Jaime Castiñeira recordou que a xunta do venres é consecuencia da petición presentada polo seu grupo e que se aprobou no pleno do pasado día 25.
"Neste como noutros temas o Grupo Popular é o que marca o ritmo de traballo do Equipo de Goberno" afirmou o edil popular. "Nun prazo de menos de 24 horas logo de denunciar a tardanza en convocarnos pídellenos unha relación para adscrición de concelleiras a órganos municipais, entre os que está a comisión de achaiadura, e tamén se convoca a xunta de portavoces para o venres".
|
Castiñeira espera que na xunta do próximo venres, ademais dos portavoces, estean tamén os funcionarios que levaron a cabo os trámites administrativos deste PERI
|
|
Falta de cortesía.-
Para o Grupo Popular as declaracións do responsable de urbanismo nas que afirma que "non modificará nadiña de nada o proxecto das costas do parque" indican unha clara falta de cortesía, "nin esperaron a reunirse cos grupos da oposición para manifestar a súa postura".
Sobre a orde de cultura de parar a obra preventivamente: "se cultura paraliza as cousas non se deberon facer tan ben. Polo menos hai dúbidas na tramitación do PERI. De feito o Partido Popular foi o primeiro que denunciou o convenio en agosto de 2005 e presentou varias alegacións.
"TODOS, non só os do Partido Popular, temos que ser consecuentes coas nosas propostas ante os cidadáns. Que non intente o señor Liñares culpar da situación das torres das costas do parque ao Partido Popular. Para o PP o programa electoral é un compromiso cos cidadáns e nós actuamos en consecuencia."
|
| |
|
|
