Alicia Peña propón que se estableza este servizo nun centro educativo público que estea situado nun punto equidistante de todos os barrios (hai que ter en conta que teñen que ser colexios coas instalacións preparadas para dar este servizo).
En canto aos monitor encargados da organización de actividades lúdicas propón que o concello rote ao equipo de monitores que durante o curso escolar xa traballa nas actividades extraescolares organizadas desde o Concello.

A concelleira popular puntualiza que "non se trata de que o Concello corra con todos os gastos da posta en marcha desta medida", e subliña que habería que contemplar que os pais interesados poidan pagar unha achega.
A apertura dun centro no verán con servizo de comedor é unha iniciativa que xa se contemplaba no programa electoral do Partido Popular. Este tipo de ofertas xa se realizan noutros municipios españois conseguindo uns resultados moi positivos.