El PP dice que un informe del jefe de urbanismo desmonta las mentiras de Lara Méndez y acredita que el Concello es el que tiene que derribar el Garañón

By 29 agosto, 2018 Infraestructuras, O Garañón

El portavoz del Grupo Municipal del PP Antonio Ameijide explica que en el Grupo Popular se recibió ayer a las 13:31 horas la copia de un informe que se tenía que adjuntar con un acta del 26 de marzo de 2018, por lo que es “curioso” que desde el gobierno socialista tarden cinco meses en facilitar un informe “muy revelador” que acredita que la ejecución de la sentencia del Garañón es competencia exclusiva de la delegación municipal de desarrollo sostenible y personal, “lo que desmonta las mentiras del PSOE”

O voceiro do Grupo Municipal do Partido Popular no Concello de Lugo, Antonio Ameijide, desvelou que ao Grupo Popular chegou onte ás 13:31 horas a copia dun informe do xefe do servizo de urbanismo que acredita que a execución da sentenza do Garañón corresponde á delegación municipal de desenvolvemento sostible e persoal, polo tanto, “unha competencia exclusivamente municipal”.

Antonio Ameijide explica que ese informe que onte chegou ao Grupo Popular tiña que engadirse a un acta dunha comisión do 26 de marzo de 2018, polo que resulta “cando menos curioso e sospeitoso” que o goberno socialista de Lugo tardara cinco meses en achegar un informe que “certifica” a responsabilidade do Concello de Lugo no derrubamento do Garañón.

O voceiro popular explica que agora Lara Méndez, Daniel Piñeiro e Miguel Fernández terán que “deixarse de poñer escusas” e “derivar competencias á Xunta” xa que en lugar de “perder tanto tempo en inventar unha coartada” o que teñen que facer é “poñerse a traballar” para dar cumprimento á sentenza xudicial que obriga ao Concello de Lugo a derrubar o Garañón.

Co informe recibido onte no Grupo Popular as mentiras do PSOE “son evidentes” e pese a que no último pleno todos os grupos acusaron aos concelleiros do PP de “oportunistas” por solicitar a reprobación de Daniel Piñeiro “é evidente” que a reprobación “non foi un capricho e está máis que xustificada”.

A credibilidade do goberno local está en entredito, sobre todo a de Lara Méndez e Daniel Piñeiro, xa que coñecen o contido deste informe dende hai cinco meses e, pese a iso, “minten descaradamente” a todos os lucenses simplemente para “escorrer o vulto” en lugar de “traballar” para tirar o Garañón e evitar que aumente o custe para todos os lucenses, xa que o importe do lucro cesante e indemnizacións ao promotor aumenta a cada día que pasa sen demoler o edificio e repoñer a legalidade na zona.

Antonio Ameijide sinala que se Lara Méndez segue a defender os intereses persoais dos seus padriños políticos a súa situación “estase poñendo cada vez máis complicada” porque os técnicos municipais certifican a responsabilidade do Concello de Lugo para cumprir unha sentenza de hai un ano e medio. Por iso, o voceiro popular sinala que se a alcaldesa non fai nas próximas semanas o proxecto para derrubar o Garañón e repoñer a legalidade na zona, desde o Grupo Municipal do Partido Popular “poremos” toda a documentación en mans “dos nosos asesores xurídicos” porque seguen a incumprir unha sentenza xudicial.

Responder

9 − 9 =