El PP pedirá el apoyo del pleno para instar a la Diputación a que ejecute el ensanche y mejora de la circunvalación del Burgo Palabras descoñecidasCopiar

By 19 diciembre, 2018 Seguridad, Tráfico, Zona Rural

El concejal del Grupo Municipal del PP Manuel López explica que la propuesta que se presentará al pleno busca instar a la Diputación Provincial a iniciar de forma “urgente” todas las acciones necesarias para poner en marcha el proyecto de ensanche y mejora de la carretera provincial CP2901 desde el punto kilométrico 3,3 hasta el 5,4


O concelleiro do Grupo Municipal do Partido Popular no Concello de Lugo, Manuel López, explicou que defenderá ante o pleno que o Concello de Lugo inste á Deputación Provincial a que inicie de forma “urxente” todas as accións necesarias para poñer en marcha o proxecto de ensanche e mellora da estrada provincial CP2901 desde o punto quilométrico 3,3 ata o 5,4, unha vía que vai desde a LU-232 a Palas de Rei e que transcorre polo Burgo e Vilamaior de Negral.

Manuel López di que este proxecto comezou en abril de 2006 en base aos acordos de aprobación do Plan de Obras e Servizos e Plan Provincial de Estradas do 2005, nos que figuraba a obra, acadando a súa aprobación definitiva no ano 2015.

O concelleiro popular afirma que se trata “dunha obra moi necesaria” porque sacaría o tráfico rodado da travesía do Burgo, onde coinciden o Camiño Primitivo e a estrada provincial, pola que transitan tanto os peregrinos como o tráfico rodado, maquinaria agrícola e, incluso, o gando, o cal “xera múltiples situacións de inseguridade”, polo que é un “perigo tanto para os peregrinos como para o resto de usuarios desta vía”.

O concelleiro popular explica que estamos a algo máis de dous anos do vindeiro ano Xacobeo, polo que é “urxente” iniciar os trámites para facer esta estrada para tentar que dea tempo a que no ano Xacobeo 2021 poida estar rematada. “Este é un xeito de impulsar o camiño, a través dos feitos, xa que dotar de seguridade aos peregrinos é fundamental, porque a situación que se vive no Burgo non é acorde ao tempo no que vivimos”, afirmou o popular.

Ademais, Manuel López recorda que no pleno municipal de xaneiro de 2016 xa se aprobou, por unanimidade, unha moción na que se instaba á Deputación Provincial a que executara o proxecto para a estrada de circunvalación do Burgo.

Esta proposta tamén a presentará e defenderá o Grupo provincial do Partido Popular na Deputación de Lugo no vindeiro pleno ordinario desta administración.

Responder

ocho + once =