El PP lamenta que por la desidia de Lara Méndez el Carqueixo es de nuevo una escombrera incontrolada

By 17 febrero, 2019 Urbaser, Zona Rural

El concejal del Grupo Municipal del PP Manuel López explica que “por la irresponsabilidad” de los socialistas las cercanías de la antigua escombrera del Carqueixo acumulan de nuevo una cantidad importante de desperdicios, pese la que hace pocos meses que la Xunta realizó una aportación de 150.000€ para descontaminar esta propiedad municipal

O concelleiro do Grupo Municipal do Partido Popular no Concello de Lugo, Manuel López, denuncia que a “desidia e irresponsabilidade” do goberno de Lara Méndez están a provocar un grave dano medioambiental no entorno de Lugo xa que a falta de vixilancia nas parroquias propiciou a aparición de “cinco ou seis” puntos de desperdicio nas inmediacións do antigo vertedoiro do Carqueixo, lugares nos que se queiman rodas, cables, se tiran mobles vellos… é dicir, todo tipo de residuos.

Manuel López lamenta “a irresponsabilidade” do goberno local, que se desentende da vixilancia nas parroquias o que propicia que, periodicamente, aparezan novos vertedoiros incontrolados no rural.

O popular explica que os novos puntos de vertido se atopan nas dúas entradas que ten o antigo vertedoiro do Carqueixo e nas súas inmediacións. “Está claro que os muros de terra que puxeron nas entradas fixeron o seu efecto, pero a falta de vixilancia provoca que se sigan a depositar residuos nas entradas e inmediacións deste punto”, afirmou o popular.

Manuel López recorda que hai poucos meses que o Concello recibiu esta finca e o seu entorno perfectamente descontaminados despois dun investimento da Xunta de 144.472,27 €, pero que, ao “non facer os deberes” desde o goberno local, os residuos volveron a aparecer sendo “moitos deles altamente contaminantes”. Neste senso, o popular reclama unha actuación inmediata que inclúa unha nova descontaminación da zona.

O concelleiro popular sinala que o ano pasado o Grupo Popular xa defendeu unha iniciativa no pleno ante a proliferación dos vertedoiros incontrolados no Concello de Lugo, especialmente nas áreas periurbanas. Unha proposta plenaria que tiña como obxectivo adoptar de xeito urxente as medidas necesarias para proceder a limpeza e descontaminación da finca municipal sita no Carqueixo, así como o seu peche e vixilancia da mesma.

Un acordo plenario que contou co voto en contra do PSOE, un voto negativo que queda patente “á vista dos feitos” xa que o goberno local non puxo “os medios necesarios” para poñer freo aos problemas ambientais e de salubridade que se están a xerar no Carqueixo, nunha parcela de titularidade municipal. “Está claro que ao goberno de Lara Méndez non lle importa o que pase aquí, o malo será que logo teremos que botarnos ás mans á cabeza cando non haxa solución”, sentenciou o popular.

Esta parcela municipal sita no Carqueixo provoca un impacto negativo sobre a paisaxe e efectos contaminantes no chan e na auga pola escorrenta e na atmosfera pola queima de rodas, aceites ou cables.

Manuel López explica que podería darse un posible delito medio ambiental polos danos á calidade do aire, ao chan ou as augas. Neste senso reitera a necesidade de realizar unha limpeza desta finca municipal así como a súa descontaminación, adoptando medidas que eviten que esta situación se volva a repetir, como debe ser a través do peche da finca de xeito efectivo e dunha vixilancia habitual.

Responder

8 + 1 =