El PP exige a Lara Méndez que presione al Ministerio de Justicia para que el cuarto Juzgado del Social para Lugo sea una realidad

By 11 junio, 2020 Otros, Seguridad, transparencia

El portavoz del Grupo Municipal del PP Ramón Carballo señala que Lara Méndez debería de solicitar al Gobierno central que cumpla el supuesto compromiso que la regidora anunció el año pasado con la anterior ministra de Justicia, Dolores Delgado, para que Lugo contara con uno nuevo juzgado del Social

O voceiro do Grupo Municipal do Partido Popular no Concello de Lugo, Ramón Carballo, esixe a Lara Méndez que presione ao Ministerio de Xustiza para que conceda a creación do cuarto Xulgado do Social en Lugo, unha dotación que a Xunta de Galicia considera imprescindible para desatascar os xulgados lucenses.

Ramón Carballo pide á alcaldesa que se tome en serio este asunto, xa que “moito nos tememos” que a creación deste cuarto Xulgado do Social en Lugo non é unha opción para o Ministerio de Xustiza, xa que semella que os plans do Goberno central non contemplan a creación de ningunha nova sala en Lugo.

O voceiro popular explica que esta é unha reiterada demanda da Xunta de Galicia e do Tribunal Superior de Xustiza de Galicia, debido á gran sobrecarga de traballo coa que contan os xulgados lucenses. Xa o ano pasado o Goberno de Pedro Sánchez deu as costas aos lucenses ao negar a creación dun cuarto xulgado do Social en Lugo, a pesar de que os tres xulgados existentes para os asuntos sociais soportaban unha carga superior ás súas posibilidades, concretamente o modulo de entrada ascendeu ao 148%, cunha media de entrada de 1.181 asuntos, incluídos os de execución. “Falamos de que os tres xulgados dos social de Lugo están desbordados e nin por esas o Ministerio de Xustiza accede a conceder unha reclamación totalmente lexítima”, sinalou.

Isto supuxo un duro revés para o partido xudicial de Lugo, que viu como o Ministerio de Xustiza si que concedía a creación doutros xulgados do Social, como foi o caso de Santiago ou Vigo. E todo a pesar de que Lara Méndez asegurou que desbloqueou a creación deste cuarto xulgado do Social para Lugo nunha xuntanza coa que nese momento era a ministra de Xustiza, Dolores Delgado.

Un compromiso que Lara Méndez se encargou de publicitar a través de todas as canles posibles pero que non se materializou, polo que a Xuntade Galicia este ano solicita de novo ao Ministerio de Xustiza a creación do cuarto xulgado do Social para Lugo, situando este órgano como o de maior prioridade para Galicia. “Lara Méndez debe facer que se cumpran os compromisos adquiridos con Lugo, se é certo que acadou eses supostos compromisos dos que tanto presumiu”, finalizou.

Responder

diecinueve + once =