Personaltransparencia

El PP denuncia que la soberbia en la política de personal de Lara Méndez culmina con la confrontación del personal municipal en dos bandos enfrentados Palabras descoñecidasCopiar

By 27 diciembre, 2018No Comments

El portavoz del Grupo Municipal del PP Antonio Ameijide explica que la “incapacidad” de la alcaldesa para dialogar y su estrategia para dividir al personal en bandos culminó con un enfrentamiento entre los trabajadores municipales y con una alcaldesa que de nuevo camina en “solitario”

O voceiro do Grupo Municipal do Partido Popular no Concello de Lugo, Antonio Ameijide, pediu “altura de miras” a Lara Méndez e ao seu equipo de goberno para deixar atrás a ruptura existente entre os traballadores do Concello de Lugo e así acadar unha solución positiva para todas as partes na negociación da RPT.

Antonio Ameijide explicou que Lara Méndez e o seu equipo de goberno “se encargaron de manexar ao seu antollo” a negociación e así “bloquear” aínda máis o Concello de Lugo e xerar unha situación de tensión nunca antes vivida nesta administración.

O popular recordou que a rexedora conseguiu que os traballadores municipais se puxeran en folga por primeira vez en 40 anos, o que paralizou aínda máis a vida diaria da cidade. E todo, pola incapacidade de Lara Méndez para dialogar e buscar consensos positivos, xa que os únicos que consegue son sempre na súa contra.

Ameijide denunciou que Lara Méndez e o seu equipo levan tres anos “enganando a todos”. “Levan tres anos dicíndolle a uns que van aprobar a RPT, sen facer nada, mentres aos outros lles prometen unha modificación, que tampouco fan. Tres anos de mentiras, xogando ao despiste”, expuxo o popular.

O voceiro popular afirmou que o equipo de goberno “perdeu a pouca lexitimidade que tiña” para seguir á fronte do Concello, polo que o mellor sería que a negociación a liderase o próximo goberno local, “un goberno que busque o diálogo, o consenso e a xenerosidade de todas as partes para acadar unha RPT que mellore as condicións de todos os traballadores, desde a Policía aos administrativos, pasando por bombeiros, técnicos e todos os traballadores desta casa”.

Antonio Ameijide destacou que “non se trata de poñerse a favor de uns ou de outros, trátase de poñerse do lado de toda a cidadanía” porque o dano que Lara Méndez lle está a facer á cidade “é irreparable”. “O mellor que lle pode pasar a esta cidade e aos lucenses é que Lara Méndez se marche e deixe de facer dano a unha cidade que foi a peor nos últimos vinte anos de goberno socialista”, sentenciou o popular.

Contratos fixos anuais
Antonio Ameijide defendeu ante o pleno unha proposta do Grupo Popular para instar ao Concello de Lugo a que en procesos de contratación que teñen unha periodicidade fixa, como o alumeado de Nadal, o San Froilán, Arde Lucus ou os desbroces, se inicie o procedemento de contratación cunha antelación suficiente ao comezo das actividades.

Ao voceiro popular non lle resulta raro todo o acontecido este ano co alumeado de Nadal tendo en conta a situación dos contratos no Concello, con 23 grandes contratos caducados, e o descontrol existente no pago a provedores, xa que no terceiro trimestre deixou sen pagar 8.500 facturas, cando no banco ten 36M€.

Por iso o Grupo Popular quere que os contratos cunha periodicidade anual se liciten cunha antelación “suficiente” que permita que todos os servizos comecen a funcionar “a tempo”, porque esas contratacións “se realizan sempre nas mesmas datas”.

Antonio Ameijde destaca que “se sabemos que estes contratos son fixos e, máis ou menos, o que se vai a precisar” non son entendibles os continuos retrasos do goberno socialista.

Ademais, o popular lamentou que nin Lara Méndez nin Carmen Basadre tiveron a “valentía” suficiente para dar explicacións ante o pleno e enviaron ao frente de batalla á edil de Economía que so foi capaz de expoñer argumentos “ridículos” para tentar salvar os mobles e iso que nin a convidaron á chocolatada que a alcaldesa montou para “celebrar o seu ridículo” e á que tampouco convidaron á concelleira de Cultura. “Iso si, convidaron a Álvaro Santos, que tentou tapar á alcaldesa nas fotos, e, sorprendentemente, hoxe non veu ao pleno a marcarlle o paso ao goberno local”, dixo o popular.

Escudo franquista
Antonio Ameijide non entende a “obsesión” de Lara Méndez de atacar ao presidente da Xunta, que a leva a decisións tan “absurdas” como que mentres Pedro Sánchez se afana en exhumacións a alcaldesa de Lugo obriga a “destapar” escudos franquistas tapados pola Xunta de Galicia para dar cumprimento á lei de memoria histórica.

O popular asegura que o goberno local está “desnortado” trala caída socialista en Andalucía que mesmo “tenta adiantar a Vox pola dereita”. Pese a iso, esta decisión non colle por sorpresa aos populares xa que hai uns meses o goberno local impediu retirar o escudo franquista do edificio de Sanidade e incluso rexeitou as alegacións presentadas polo goberno autonómico. “É incomprensible o anuncio de Daniel Piñeiro de seguir adiante coas sancións á Xunta, pese a que o goberno galego so quere dar cumprimento á lei de memoria histórica”, finalizou o popular.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies