El vicevoceiro popular Antonio Ameijide dice que la concejal de economía abre un nuevo #manía contra Méndez y el anterior gobierno a cuenta de los contratos menores cuando se disculpa con que “hay deficiencias heredadas como excusa para echar balones fuera de una forma descarada, obviando que sus antecesores eran de su partido, y algunos, compañeros del actual gobierno incluso su propia jefa”

A falta de información sobre os contratos menores que están realizando os diferentes servizos do Concello de Lugo centraron o debate da Comisión de Economía que se desenvolveu hoxe. O vicevoceiro popular Antonio Ameijide amosou a súa sorpresa porque a responsable de economía “volve a cargar contra o goberno de Méndez” manifestando que “estamos diante dun novo cisma no equipo de goberno onde a concelleira de economía culpa aos seus predecesores do Partido Socialista das deficiencias herdadas en materia económica e, máis en contreto do descontrol que hai á hora de publicar a información destes procedementos”.

Ameijide explica que o seu grupo quere saber cantas propostas de gasto houbo nos 1.284 contratos menores efectuados no que levamos de mandato. Tamén quere coñecer se houbo fraccionamentos, e os nomes das empresas que efectuaron os traballos. Toda esta información debería estar xa publicada pero, lamentablemente no Concello de Lugo incúmprese de forma sistemática a Ley de transparencia e a Ley de Contratos.

Os populares afirman “non se nos pode pedir paciencia nin confianza na súa xestión. Somos conscientes de que as cousas levan o seu tempo pero, os socialistas levan anos de retraso en transparencia. É unha desfachatez que a concelleira socialista de economía se desligue do desmadre desta área  esquencendo que foron eles os autores desta desfeita e que varios seguen sentados neste goberno, mesmo unha delas é a súa xefa: a alcaldesa de Lugo”.

Ameijide explica que o Partido Popular leva anos esixindo que se cumpla a lei: a quen se piden as ofertas, a quen se contrata e por que importe e que toda esta información sexa pública tal e como esixe a lei. O concelleiro popular recorda que en 2018 se aprobou no pleno unha moción, a iniciativa do PP, para  crear un sistema aberto de adquisición para contratos menores para dar publicidade á contratación municipal e a posibilidade de acceder a todos os autónomos e empresarios, pero a rexedora négase a implantalo.

Os populares tamén lembran que se está a incumprir reiteradamente o artigo 63 da Lei 9/2017 de Contratos do Sector Público que establece que a publicación da información relativa aos contratos menores deberá realizarse polo menos trimestralmente.

Leave a Reply

20 + 6 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies