Cultura

Castiñeira critica que la alcaldesa haya convertido la fachada do Concello “en un tablón de anuncios”

By 10 junio, 2016No Comments

El portavoz popular Jaime Castiñeira denuncia que la instalación de una pancarta en la fachada de la Casa Consistorial en plena campaña electoral “además de todas las ilegalidades en las que puede incurrir rompe un acuerdo de la junta de portavoces”

O voceiro do Grupo Municipal do Partido Popular Jaime Castiñeira criticou esta mañá en rolda de prensa que a alcaldesa de Lugo teña convertido o Concello “nun taboleiro de anuncios”.

Logo da instalación dunha pancarta reivindicativa na fachada da Casa Consistorial na xornada de onte, “moi casualmente no día de inicio da campaña electoral”, o popular lamentou que “a alcaldesa rompeu, pola vía da imposición, un dos puntos de consenso que acadaramos co anterior goberno” de “preservar a imaxe pública e a identidade dun edificio tan emblemático e histórico como é o Concello”.

Así mesmo, Castiñeira anunciou que “á vista da disposición do novo goberno municipal de expresar cuestións pendentes para a cidadanía”, dende o Grupo Municipal do Partido Popular “imos presentar, unha tras outra”, solicitudes para a colocación de pancartas nas que se lle lembre á alcaldesa o incumprimento dos máis de 30 acordos plenarios acadados a instancias do PP. “E comezaremos polo primeiro acordo deste mandato, cunha bandeira que poña Lugo, non perdas a Comisión de investigación sobre o Garañón”, detallou, ao tempo que indicou que “para que non haxa problemas e non se negue a autorización, a proposta será a de ubicar pancartas das mesmas dimensións e coas mesmas cores cá actual”.

Por outra banda, o voceiro popular afirmou que, “con independencia das implicacións legais que poidan existir ao respecto debido tanto ao momento como ao lugar escollido nun edificio público e protexido para esta demanda, como nos poñamos a empapelar o concello con todos os compromisos incumpridos da alcaldesa neste primeiro ano do seu mandato non nos vai chegar toda a superficie”.

Por último, o popular ironizou con que “parece que as novas formas de facer política consisten en perder as formas”, en referencia a que “mentres o voceiro socialista nos estaba informando da colocación desta pancarta, practicamente ao mesmo tempo a federación de veciños estaba entrando no Concello para instalala”. 

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies