O PP denuncia a pasividade da alcaldesa ante as reiteradas avarías de auga que se producen en Lugo

By 23 Febreiro, 2020 Infraestruturas, Obras, Persoal

Os populares comprobaron in situ a solución terceiro mundista que dá o concello aos veciños dos números impares de Serra Gañidoira colocando “dúas billas nos que, ao ter pouca presión, se tarda uns 10 minutos en encher unha garrafa”

O Partido Popular comparte a indignación dos veciños dos números impares da rúa Serra Gañidoira que levan sen auga nas súas vivendas dende a madrugada do pasado sábado. Para o Grupo Popular a solución provisional é “un mal parche” e responde a pasividade da alcaldesa por solucionar un problema que afecta a práctica totalidade dos barrios de Lugo. Nese senso, os populares amosan a súa sorpresa porque logo das últimas avarías sucedidas en Marqués de Ombreiro, Rei Don García … o goberno local segue paralizado e sen buscar unha alternativa para dar cobertura a estas avarías de emerxencia. “O concelleiro de Medio Ambiente non é de fiar xa que incumpre a súa propia palabra” en alusión ao compromiso que lanzou de que coa máxima dilixencia ían a arranxar futuras avarías”.
Os populares ironizan con que “se a súa rapidez é colocar dúas billas, nas que apenas hai presión para encher garrafas” e “darlle largas aos afectados ata o luns”. “Evidentemente hai cabreo porque os residentes de Serra Gañidoira pagan os seus impostos coma o resto”, resumía Carballo.

Para os populares este tipo de situacións rocambolescas son froito do desmantelamento, que impulsou durante anos o PSOE, da brigada de augas deixando “sen cobertura de emerxencias a toda a cidade xa que ao non ter persoal non se arranxan avarías en horario de noite, nin en fin de semana”. Para o Grupo Popular esta mala decisión provoca que se amplíen arranxos que podían facerse en dúas, tres horas, a dous ou tres días condenando aos veciños de Lugo, de diferentes barrios, a sufrir retrasos nas reparacións

O desmantelamento da brigada suporá agora o que xa predixo o Partido Popular que é un encarecemento da factura final da reparación xa que “hai que pagar o servizo de urxencia, nocturnidade e ademais as avarías tardan máis en repararse porque as firmas privadas descoñecen o deseño da rede o que ralentiza e encarece as reparacións xa que os que realmente coñecen á perfección a rede de abastecemento son os empregados municipais, aos que o goberno municipal dá as costas”.

Responder

3 + 1 =