En Lugo hai unha serie de puntos nos que se repiten as inundacións e onde, cada vez que hai fortes precipitacións ou trombas de auga, se inundans baixos e garaxes ou se apoza a auga en vías con tránsito de vehículos co conseguinte risco que supón para a seguridade vial … Un mal deseño das rúas e a falta de mantemento son os principais motivos polos que se producen estas situacións.
Dende o Partido Popular presentamos unha iniciativa para que se faga un mapa cos puntos negros ou críticos con risco de inundacións no municipio, e en base aos datos de intervencións de bombeiros, policía local, enxeñería, queixas cidadás… concretar os puntos nos que este Plan debe actuar.
En canto ao plan de actuación poderíase executar en 3 direccións:
- Análise do deseño destes puntos, plantexando a necesidade ou non de redeseño da vía.
- Estudo dos elementos de drenaxe, plantexando a posibilidade de modificacións de tamaños, formas , número de elementos e mesmo tipoloxía.
- Plan de mantemento periódico do drenaxe superficial en Lugo, reforzando o mesmo nos puntos críticos da rede de drenaxe. Mesmo sería preciso, cando haxa previsión metereolóxica de grandes precipitacións ou tormentas, levar a cabo unha revisión e reforzo da limpeza dos sumidoiros e rede de drenaxe nos puntos críticos detectados no municipio.
Por todo elo o Grupo Municipal do Partido Popular considera de interese municipal que o Pleno da Corporación Municipal ACORDE:
Que o Concello de Lugo, leve a cabo as medidas necesarias para implantar un Plan de actuacións na rede de drenaxe para evitar as inundacións en Lugo.
